Servizos

Galebook é unha produtora de contidos adaptados ás novas tecnoloxías. Ten como principal propósito satisfacer as necesidades do mundo editorial, servizos de publicación e de empresas doutros sectores de servizos lingüísticos de carácter dixital de calidade.

As tarefas que levamos a cabo son:

• Orixinais creados polo equipo de Galebook e pertencentes a diversos ámbitos. Apostamos pola innovación e a orixinalidade dos contidos e formatos, e procuramos cubrir as necesidades actuais. Creamos contidos multimedia adaptados aos currículos educativos. Tamén ofertamos actividades de reforzo da lectura para obras literarias.

• Orixinais subministrados por autores e autoras que queiran valerse da nosa experiencia na edición de contidos dixitais. Seleccionaremos as obras que encaixen dentro do noso criterio editorial atendendo especialmente as obras editadas en formato nativo dixital. Apostamos polo desenvolvemento da literatura multimedia.

• Dixitalización de contidos libres de dereitos de autor ou de contidos protexidos, cedidos para a súa transformación en contidos dixitais, adaptándoos segundo o caso aos diferentes dispositivos de lectura. Neste proceso incluiremos a revisión e maquetación dos textos.

Publicación de contidos dixitais baixo o selo de Galebook na súa faceta editorial. As nosas publicacións estarán dispoñibles en diferentes formatos segundo a necesidade do mercado dos dispositivos electrónicos, e comercializaranse a través de plataformas web especializadas. Publicaremos en distintas linguas e fomentaremos dun xeito especial a protección e difusión do galego así como a internacionalización dos nosos autores e autoras.

O equipo de Galebook está integrado por filólogos e filólogas especializados en Lingua Galega, Lingua Española e Lingua Inglesa. Posuímos coñecementos técnicos, literarios e lingüísticos polo que estamos capacitados para levar a cabo tarefas de tradución, revisión e corrección de textos e asesoramento lingüístico en xeral.